⚜️ «Сабақ беру үйреншікті жай ғана шеберлік емес, ол жаңадан жаңаны табатын өнер» (Ж. Аймауытов).
Бүгінгі білім беру - тек оқыту емес, оқушыны қызықтыра білу мен уақытты тиімді басқарудың жаңа деңгейі. Заманауи технологиялар бұл үдерісті жеңілдетіп, сабақты барынша қызықты етуге мүмкіндік береді.
Ағымдағы жылдың 17 сәуір күні «Болашақ ұрпақ» жоба аясында педагогтердің оқу үдерісін оңтайландыру, білім алушылардың танымдық қызығушылығы мен оқу мотивациясын арттыру мақсатында нейрожелілік технологияларды тиімді цифрлық құрал ретінде қолдану саласындағы кәсіби құзыреттілігін арттыруға бағыттанға «Оқытудағы цифрлық шешімдер: жаратылыстану-математикалық және қоғамдық-гуманитарлық пәндер сабақтарында қызығушылық пен тиімділікті арттырудағы нейрожелілердің рөлі» облыстық онлайн семинары ұйымдастырылды.
Іс-шара барысында облысымыздың жаратылыстану-математика және қоғамдық-гуманитарлық пәндер мұғалімдері Қ.Жолтайұлы, Баетова А.Х, Зулкарнаева Н.А, Бургунбаева Л.И., Дериглазова М.В. өз тәжірибелерімен бөлісіп, пікір алмасты.